Навіны Навіны Беларусі

Як дапамагчы сям’і Паўла Спірына, асуджанага на 4,5 года калоніі строгага рэжыму за праўду

Як дапамагчы сям’і Паўла Спірына, асуджанага на 4,5 года калоніі строгага рэжыму за праўду

14092 праглядаў Мінск
Нашыя сённяшнія героі — сям’я блогера, сябра Руху «За Свабоду» Паўла Спірына, даверанай асобы Святланы Ціханоўскай. Сёлета ў лютым яго асудзілі на чатыры з паловаю гады калоніі строгага рэжыму. Падставаю для крымінальнае справы сталіся два Паўлавы фільмы, што ён змясціў на сваім YouTube-канале. Адзін з іх — пра наркагандаль у Беларусі. Неўзабаве і жонку блогера Ірыну звольнілі з працы.

Павел і Ірына Спірыны разам з маленькім Арцёмам. Фота: уласны архіў

Але Ірына не апусціла рук і працягвае змаганне. Нягледзячы на тое, што ўсё абсталяванне арыштавалі, яна марыць, што знойдуцца неабыякавыя беларусы, якія дапамогуць вярнуць арыштаваную тэхніку – гэта можна зрабіць, выплаціўшы штраф. Ірына вельмі хоча, каб Паўлаў канал жыў – і абяцае надалей распавядаць праз яго навіны ад мужа, калі атрымаецца вярнуць абсталяванне.

Ірына Спірына разам з сынам Арцёмам. Фота: уласны архіў

«У яго такія светлыя блакітныя вочы – я адразу патанула ў іх і закахалася, калі яго пабачыла!» – светла ўспамінае Ірына, а пасля закрывае твар рукамі і зрываецца на плач. Цяжка ўсведамляць, што твой каханы чалавек, бацька дзіцяці – за кратамі праз страшны несправядлівы прысуд: «Мне проста было важна бачыць яго кожны дзень».

«Вырак, вядома, жорсткі, улічваючы тое, што я не вінаваты і проста хацеў дапамагчы людзям. Ну, што ж рабіць, прыходзь на спатканні. Скажы ўсім сябрам «дзякуй» за падтрыманне», – піша Павел у лісце да жонкі.

Арцём, сын Паўла і Ірыны, ціха робіць урокі за сталом. Не вельмі даецца матэматыка. Раней дапамагаў тата. А цяпер замест таты – толькі татаў партрэт на стале.

Арцём, сын Паўла і Ірыны Спірыных. Фота: уласны архіў

Крыніца: blstv.eu

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Пратэсты пасля выбараў

Апошнія навіны