Навіны Навіны Беларусі

У Пінску арыштаваны сябра Руху «За Свабоду» Ігар Салавей

У Пінску арыштаваны сябра Руху «За Свабоду» Ігар Салавей

5142 праглядаў Пінск
У адносінах да актывіста Руху «За Свабоду» Следчы камітэт пачаў крымінальную справу па часцы 2 артыкула 293 «масавыя беспарадкі». Салаўя вінавацяць ва ўдзеле ў сутычках паміж пратэстоўцамі і міліцыянтамі, якія адбыліся ў Пінску ў ноч з 9-га на 10-е жніўня.

Пінскі гарадскі каардынатар Руху “За Свабоду”, праваабаронца Алесь Рамановіч мяркуе, што зараз ідзе пошук асобаў, якіх зробяць адказнымі за масавыя пратэсты ў першыя паслявыбарчыя дні:

– Улады Беларусі і пры тым напэўна сам Лукашэнка, яны не могуць прыняць тое, што гэты пратэст, ён самаарганізаваны. Што людзі самі арганізаваліся і вось такі выбух. Таму шукаюць людзей, якіх прызначаць арганізатарамі.

Потым напішуць свае справаздачы, што знайшлі арганізатараў у горадзе Пінску, горадзе Баранавічы, у буйных гарадах, дзе былі вялікія пратэсты. Гэтых арганізатараў наўпрост прызначаць.

Вядома, што на перыяд следства Ігар Салавей будзе знаходзіцца пад арыштам і неўзабаве яго этапуюць з пінскага ізалятара часовага ўтрымання ў Баранавічы ў СІЗА №6.

Крыніца: www.racyja.com

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Пратэсты пасля выбараў

Апошнія навіны