Навіны Навіны Беларусі

Брэсцкія актывісты Руху «За Свабоду» гатовы ініцыяваць мясцовы рэферэндум

Брэсцкія актывісты Руху «За Свабоду» гатовы ініцыяваць мясцовы рэферэндум

3305 Праглядаў Брэст
Як паведаміў мясцовы каардынатар Руху Дзяніс Турчаняк, актывісты яго арганізацыі выступяць з ініцыятывай правядзення мясцовага рэферэндуму пра далейшы лёс тэрыторыі старадаўняга гарадскога парку, калі ўлады не адмовяцца ад планаў па яго забудове.

— Мясцовы рэферэндум з’яўляецца формай прамога волевыяўлення жыхароў горада ў вырашэнні пытанняў мясцовага значэння. Гэта механізм, які дазваляе народу, як крыніцы дзяржаўнай улады, выказаць сваё меркаванне з нагоды прыняцця якога-небудзь важнага рашэння, якое закранае інтарэсы насельніцтва. Сумневаў у тым, што наяўнасць альбо адсутнасць паркавай зоны ў цэнтры Брэста закранае інтарэсы ўсіх гараджан, у мяне не ўзнікае, — заявіў Турчаняк.

Участак, дзе з часоў заснавання новага Брэста да сярэдзіны ХХ стагоддзя размяшчаўся гарадскі парк (тэрыторыя паміж портам, ЦЭЦ і кутом Леніна—Машэрава), згодна з генпланам Брэста падлягае забудове. Многія ж гараджане аддалі хацелі б бачыць там адноўленую зялёную зону адпачынку. У навукоўцаў — свае інтарэсы.

Дзяніс Турчаняк раней прасіў у сваім лісце ў Брэсцкі гарвыканкам вылучыць усю тэрыторыю гэтага квадрата ў асабліва ахоўную зону і ні ў якім разе не забудоўваць. Гэта месца, фактычна, з’яўляецца гістарычным і культурным помнікам Брэста. Акрамя таго, па звестках даследчыкаў, на гэтым месцы знаходзіўся старажытны паганскі некропаль. Тэрыторыя, перш за ўсё, мае патрэбу ў дбайным археалагічным даследаванні.

Дзяніс Турчаняк таксама, спасылаючыся на міжнародную практыку прымянення Канвенцыі аб ахове сусветнай культурнай і прыроднай спадчыны, мяркуе: «Калі няма грошай на археалагічную выведку сёння, то варта было б надаць гэтай тэрыторыі статус гісторыка-культурнай каштоўнасці і пакінуць яе на час у спакоі, не забудоўваць . Тады тое, што засталося ў зямлі магло б быць даследавана нашымі нашчадкамі».

Артыкул у «Бресцкай газеце», якая апісвае сутнасць праблемы тут.

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Апошнія навіны